කුමක් කරනු දැන් කල් ගතවුවා..

ගිරවියක් වගේ නැඟූ මැසිවිලි

සුර ළියක් වගේ ලොව දිනූ රඟමිනි

මහමෙරක් වගේ සිත පුරා සිතිවිලි

මලක් වගේ හැඩ පුංචි සමනලි..

මලින් මලට යන බඹරෙක් වුවා හිටි හැටියේ විත් සෙනෙහස පෑවා සියලු පැතුම් පොදි අමතක වුවා පිපි මල බඹරුට හදවත පෑවා..

සුර ළියක් වගේ රැඟූ තටු මැළවුවා ගිරවියක් වගේ ගැයූ හඬ නිමවුවා සියල්ල අහුරන වැට කඩොලක් වුවා ප්‍රේමය නම් මුළු ලොවක්ම වුවා.. කලක් මිහිරි පෙම් ගීයක් ගැයුවා කල් යන විට පද ගොරෝසු වුවා කැඩී බිඳී පද එහෙ මෙහෙ වුවා ගැයුමක් නොව පෙම නමටම වුවා.. රුවට වශී වුණු බඹරා වුවා ගත් විට රොන් ටික මල පරවුවා හැර යන මඟ ඔහු මල තනිවුවා කුමක් කරනු දැන් කල් ගතවුවා.. - සුමේදා රත්නසිරි-