බලාපොරොත්තුවක්..

මහ පොළොව මත
තනිවුණු
ජීවමාන වෘක්ෂයක්
ඉරිතලා ගොස් වියළී
ගිම්හානයේ
සරදමට හසුව
නමුත්
බලාපොරොත්තු
පොදි බැදන්
හැකි සෑම කාලයක්
බලා සිටින්නේය
පැමිණෙන තුරු
වස්සානය...

කුමක් කරනු දැන් කල් ගතවුවා..

ගිරවියක් වගේ නැඟූ මැසිවිලි

සුර ළියක් වගේ ලොව දිනූ රඟමිනි

මහමෙරක් වගේ සිත පුරා සිතිවිලි

මලක් වගේ හැඩ පුංචි සමනලි..

මලින් මලට යන බඹරෙක් වුවා හිටි හැටියේ විත් සෙනෙහස පෑවා සියලු පැතුම් පොදි අමතක වුවා පිපි මල බඹරුට හදවත පෑවා..

සුර ළියක් වගේ රැඟූ තටු මැළවුවා ගිරවියක් වගේ ගැයූ හඬ නිමවුවා සියල්ල අහුරන වැට කඩොලක් වුවා ප්‍රේමය නම් මුළු ලොවක්ම වුවා.. කලක් මිහිරි පෙම් ගීයක් ගැයුවා කල් යන විට පද ගොරෝසු වුවා කැඩී බිඳී පද එහෙ මෙහෙ වුවා ගැයුමක් නොව පෙම නමටම වුවා.. රුවට වශී වුණු බඹරා වුවා ගත් විට රොන් ටික මල පරවුවා හැර යන මඟ ඔහු මල තනිවුවා කුමක් කරනු දැන් කල් ගතවුවා.. - සුමේදා රත්නසිරි-

සඳ හොරෙන් හොරෙන් හොරෙන් බලා..

සිංහල සුුභාවිත ගීතයේ ආ ගිය මඟ විමසා බලන විට එකී මෙඟහි නොමැකෙන සළකුණක් ලෙස ආචාර්ය පේ‍්‍රමසිරි කේමදාසයන්ගේ නාමය ජනිත වී තිබේ. හෙතෙම සිය නාද රසයෙන් සුපෝෂණය කර ගීත සාහිත්‍යයට දායාද කරන ලද ගීතයන් ප‍්‍රමාණය සංඛ්‍යාත්මක අයුරින් කිව නොහැකි තරම් වෙයි. ඔහු එවැනිම තවත් නොමැකෙන සළකුණු ද්විත්වයක් සමඟින් එක් වී ඉතා අපූරු ගීතයක් නිර්මාණය කරයි. එම ගීතයට හඬ මුසු කරන්නේ හෙළයේ මහා ගාන්ධර්වයාණන් යන විරුදාවලිය ලත් පණ්ඩිත් අමරදේවයන්ය. අපූරු පද සංකල්පනා තුළින් එම ගීතය රසාලිප්ත කරනුයේ කුලරත්න ආරියවංශ නම් අපූරු ගේය පද රචකයා විසිනි. එම අපූර්ව වූ ගීතය නම් ”සඳ හොරෙන් හොරෙන් හොරෙන් බලා...” ගීතයයි.

සාහිත්‍යයේ පවතින නව නළු රසයන් අතරින් එක් රසයකි ශෘංගාර රසය. මෙම හෘංගාර රසය ආකාර දෙකක් වෙයි. එනම්, විප‍්‍රලම්භ ශෘංගාරය සහ සම්භව් ශෘංගාරයයි. වෙන්වීමේ දුක නිසා ඇතිවන සාහිත්‍යමය රසය සහ පේ‍්‍රමයේ එක්වීම නිසා ඇති වන රසයයි. මෙම ගීතයේ ගැබ් කොට ඇත්තේ පෙම්වතුන් දෙදෙනෙක් එක්වීමේ ශෘංගාරයයි. මෙම අපූර්ව වූ පේ‍්‍රමයේ ශෘංගාරාත්මක භාවයත් එය ඉදිරිපත් කරන සංයමයත් ඒ හා ගැළපෙන ලෙස මුසු කර ඇති සංගීත ස්වරයත් රසවිදින්නා මෝහනය කිරීමට සමත්ය. එය අගය කළ යුත්තකි.

”සඳ හොරෙන් හොරෙන් හොරෙන් හොරෙන් බලා

වලා රොදක සැඟවිලා

අපේ මියුරු පෙම් කතා

අසා සිටිනවා”

රාත‍්‍රිය යනු පේ‍්‍රමණිය මොහොතකි. පෙම්වතුන්ගේ එක් වීමේ මොහොත රාත‍්‍රියයි. එසේම සාහිත්‍ය පුරාම සඳ යන පදය පෙම්වතුන්ට ඉතා සමීප බවක් දක්වයි. මෙම ගීතයේදී සඳහන් අන්දමට පේ‍්‍රමවන්තයින් දෙදෙනෙකු එක් රාත‍්‍රියක පෙම් සුව විදීමක් දැක්වෙයි. රාති‍්‍රය සහ සඳ යොදා ගනිමින් පරිසර වර්ණනාවක් ඉදිරිපත් කරන ආරියවංශයන් මෙහිදී සඳ සජීවි වස්තුවක් ලෙස ඉදිරිපත් කර ඇත. මෙහිදී සඳ හොරෙන් හොරෙන් හොරෙන් ලෙස තෙවරක් යොදා අනුප‍්‍රාස රසය සමඟින් සඳෙහි ප‍්‍රාණවත් බවත් පේ‍්‍රමවන්තයින් දෙදෙනාගේ පේ‍්‍රම ජවනිකාවත් තීව‍්‍රකොට දක්වා ඇත. කුලරත්න ආරියවංශයන් මෙම රාත‍්‍රී යාමයේ පේ‍්‍රම කතාවක යෙදෙන පෙම්වතුන් දෙදෙනාගේ පේ‍්‍රමයේ තිබෙන ශෘංගාරාත්මක බව ඉතා සියුම් ලෙස දක්වමින් සඳට පවා එය බලා සිටීමටත් බලා නොසිටීමටත් නොහැති බවක් පවසයි. විටෙක සඳට ලැජ්ජාවක්ද ඇතිවන නිසා සඳ වළාරොදේ සැඟවීගෙන හොරෙන් ඔවුන් දෙදෙනාගේ පේ‍්‍රමය දෙස බලා සිටින බවක් දක්වන්නේ ඉතා සංයමයෙන් යුතුව එම අවස්ථාවේ පවතින ලිංගිකත්වයක් පිළිබඳ පවසමිනි. බොහෝ අයෙකුට මෙය අතිශයෝක්තියක් ලෙස පෙනෙන්නට ඉඩ ඇත. නමුත් සඳ සහ පරිසරය යොදා ගෙන මෙම අවස්ථාව ඉදිරිපත් කිරීම රචකයාගේ දක්ෂතාව සහ සාහිත්‍ය සංයමය විදහා පාන්නක් වන්නේ මෙම පේ‍්‍රම ජවනිකාව පුද්ගලයෙකු දැකීමක් සඳහන් කිරිම ශිෂ්ට සම්පන්න නොවන නිසාත් එයින් නියම සාහිත්‍ය රසයක් ලබා ගැනීමට නොහැකි වන නිසාත්ය.

”කඳුළු බිදු ගලා සඳේ 

තුරුලතා පුරා”

විරහව පිළිබඳ අර්ථකතන ගෙනහැර දැක්වීමේදී කඳුළු යන සාධකය කිසිදු අයුරකින් හෝ අමතක කළ නොහැකිය. එසේනම් මෙහිදී ආරියවංශයන් කඳුළු යන වදන තම පද වැලට ඉතා අපූරු ලෙස මුසු කරමින් සඳෙහි ආලෝකයත් සමඟ දිස්නය දෙන පිණි බිඳු සඳෙහි කඳුළු බිඳු ලෙස උපමා කොට වෘක්ෂයන් පුරා විසිරී යන බව දක්වයි. එසේනම් මින් ගම්‍ය වන්නේ සඳ හඬන බවයි. සැබවින්ම සඳහඬන්නේ කුමන කරුණක් නිසාවෙන්ද? සඳ නම් තනිකඩයෙකි. එසේනම් තනිකඩයෙකුට තවත් පෙම් යුවළක් පෙමින් බැඳී සිටීම හා ඔවුනොවුන් පේ‍්‍රමයේ නොඉඳුල් සුවය විඳීම බලා සිටීම සිඳු කළ නොහැක්කකි. එසේ නම් සඳ තුළින් සංකේතවත් කරන්නේ තනිකඩයෙක් හෝ පේ‍්‍රමයේ විරහ වේදනා විදින්නෙකු වේ. ඔහු හෝ ඇය කෙරෙහි මෙකී පෙම් යුවළ කෙරෙහි පවත්නා ලිංගික ඊර්ෂ්‍යාව යන සාධකය ප‍්‍රබල ලෙස ඉස්මතු කර ඇතැයි සිතීම වැරද්දක් නොවේ. සඳ යන අජීවී වස්තුවට ජීවී බවක් ගෙනහැර පාමින් ලිංගික ඊර්ෂ්‍යාව වැනි ප‍්‍රබල කරුණක් ශෘංගාරාත්මක අයුරින් මෙන්ම ඉතා සියුම් සංවරශීලි බස් වහරක් යොදා ගනිමින් පැවසීමට ආරියවංශයන් පද වැල් ගළපන ආකාරය අපූරු සහගත වේ.

”සියොළඟම සැලී මගේ 

නොහිමි සීතලේ

ඔබේ නෙත යදී 

මහද වියරුවෙන්”

මේ අයුරින් පේ‍්‍රමයේ ශෘංගාරාත්මක බව එසේත් නැතිනම් පේ‍්‍රමාන්විත ලිංගිකත්වය නම් සැඟවුණු පැතිකඩ ඉතා සියුම් ලෙස පද රචනයේදී ආරියවංශයන් මනා හික්මීමෙන් යුතුව සිය පදවැල් තුළට එක් කරයි. මෙහිදී ”සීතලේ” යන වදන ඉතා ප‍්‍රබලව යොදා ගනියි. මෙම සීතල පේ‍්‍රමාන්විතය. ඉතා ප‍්‍රියකරය. ඔහුට මෙම සීතල සීමාවක් නොමැතිව දැනෙන්නා වූ සීතලකි. මෙය අවට පරිසරය තුළින් ස්වාභාවික ලෙස දැනෙන සීතලක් නොවේ. තම පේ‍්‍රමවන්තියගේ උණුසුම තම කය වෙත සංතර්පණය කොට ගැනීමට ඔහු තුළ ඇතිවන ආසාව කියා පෑමට යොදන උපායයි. ඔහු එම උණුසුමට පෙම් බඳියි.මෙහිදී කුලරත්න ආරියවංශයන් ඉතා ව්‍යංගානුරූපිව සඳහන් කරන්නේ ලිංගිකත්වයයි. මෙම පේ‍්‍රමවන්තයා තම පේ‍්‍රමිය වෙත සිදුකරන ලිංගික ආරාධනයක් උක්ත පද වැලින් ගම්‍ය කරන්නේ පද රචනයේදී ඉතාමත් සංයමයක් දක්වමිනි.

”කියුඔු වැල් ලිහී ඔබේ 

මාරුතේ සැලී

කොපුල් තල ගැටී මගේ

 සිතුම් සසල වෙයි

නිවාලන්න මා

 ඔබේ සිසිලසින්”

ලිංගිකත්වය යන කරුණ සහ ශෘංගාරය යන්න රචකයා තවදුරටත් විග‍්‍රහකොට දක්වයි. ලිංගිකත්වය මත ස්පර්ශය, සිපගැනීම, වැළඳගැනීම, ලිංගික සංසර්ගය මනා ලෙස ගැබ්ව පවතී. එහෙක් මෙහිදී රචකයා ස්පර්ශය යන සාධකය හා ස්වාභාවික පරිසරය තුළ අපට හමුවන සාධකයන් සුසංයෝගයට ලක් කරයි. එනම් සුළඟ හෙවත් මාරුතයයි. කියුඔු වැල් යනු ස්ත‍්‍රියගේ කොණ්ඩයයි. මෙහිදී ස්ත‍්‍රියගේ කේශාවන් සුළඟට සැලෙයි. එු තුළින් පේ‍්‍රමාන්විතයාට මෙය ස්පර්ශ වේ. එතුළින් ඔහු සුවදායක සතුටක් ලබයි. මෙය ස්වාභාවික පරිසරයේ බලපෑමකින් ඉබේ සිදුවන ක‍්‍රියාදාමයකි. නමුත් පේ‍්‍රමවන්තියගේ කේහ කලාපය මේ අයුරින් ස්පර්ශ වීම පේ‍්‍රමවන්තයා ලබන්නේ ශෘංගාරාත්මක රසයකි.

එපමණක් නොව තම පේ‍්‍රමවන්තියගේ ස්පර්ශයෙන් පේ‍්‍රමවන්තයා හට කායික මෙන්ම මානසික සුවයක්ද ඇති වේ. සැබැවින්ම සැබෑ පේ‍්‍රමයක් තුළ මිනිසුන්ගේ මානසිකත්වයට සිදුකරනු ලබන්නේ විශාල බලපෑමකි. ලිංගික සංතර්ලණය එහිදී සුවිශේෂී අවස්ථාවක් වේ. ඒ තුළ ලබන රසය හා ඒ තුළ ලබන මනදොල පිනවීම මත සිතුවිලි වෙනස් කිරීමට හේතු වේ. ඒ තුළ ඇති වන්නේ පේ‍්‍රමයද ලිංගිකත්වය ද එක් වූ මානුෂීය හැඟීමකි.

එකී මානුෂීය බැඳීම විඳිනු ලබන පේ‍්‍රමාන්විතයෙකුට ඉන් මිදීමට නොහැකි වේ. තවදුරටත් එය අවැසි වේ.

”නිවාලන්න මා ඔබේ සිසිලසින්”

ශිෂ්ට සම්පන්න පේ‍්‍රමයක් තුළ ඇතිවන ලිංගික බැඳීම පුදුමාකාරී වේ. එය නොමඟ ගියවුන් සුමඟත්වයට පත් කිරීමට මනා පිටුවහලක් බවට පත් වේ. පේ‍්‍රමාන්විතයන්ගේ තුළ වූ කාමුකත්වය නැති වී මානුෂීය ගති පැවතුම් ඉහළ නැංවීමට මෙම පේ‍්‍රමය මෙම සබැඳියාව හේතු වී තිබේ. ඉහත පද වැලෙහි ”සිසිලස” යන වදනින් ගම්‍ය වන්නේ එකී සුන්දරත්වය නොහොත් එකී මානුෂීය බැඳීමයි.

ගීතයක ප‍්‍රබලත්වයට එහි පබැඳුම මෙන්ම සංගීතයද ගෙනදෙන්නේ මනා පිටුවහලකි. එබැවින් මෙහිදී පේ‍්‍රමදාසයන්ගේ ස්වර රචනය පිළිබඳවද සැලකීම වැදගත්ය. ඔහු මෙහිදී බතා ප‍්‍රබල ලෙස යලීනය භාවිතා කරමින් අපූරු ධ්වනිතාර්ථ මතු කොට තිබේ. සැබැවින්ම ඉන් මතුකර ඇත්තේ පේ‍්‍රමය හා ඒ තුළ වූ ශෘංගාරාත්මක රසයයි. එමෙන්ම ගීතයේ බොහෝ තැන්වල ”ම් ම් ම්” යන ස්වරාලංකාර භාවිතය තුළ අපූරු රසයක් ජනිත කොට තිබේ. එය ගීතයේ අර්ථය උපරිමය දක්වා ඔසවා තැබීමට උපකාරී වී තිබේ. එසේම මෙම ශෘංගාරාත්මක රාත‍්‍රිය රසික දෑස් ඉදිරියේ ප‍්‍රතිනිර්මාණය කිරීමට ”චෙලෝ” නමැති සංගීත භාණ්ඩයද කේමදාසයන් මෙහි සංගීතය මුසු කිරීමේදී යොදා ගැනීමත් මනාවට ආරියවංශයන්ගේ පද වැලට අලංකාරයක් ගෙන දෙයි.

සමස්තක් ලෙස කුලරත්න ආරියවංශයන්ගේ පද බැඳුමත්, කේමදාසයන්ගේ ස්වර රචනයත්, පණ්ඩිත් අමරදේවයන්ගේ හඬ මාධුර්්‍යයත් මුසුව නිමැවුනු ”සඳ හොරෙන් හොරෙන්” ගීතය පේ‍්‍රමය තුළ වූ ශෘංගාරාත්මක රසය පේ‍්‍රමය තුළ වූ ලිංගිකත්වය මනා ලෙස ස්වාභාවික ලෙස අතිශය සංයමයෙන් යුතුව පවසමින් අපූර්ව වූ අර්ථාන්විත මෙන්ම අපූර්ව වූ ශබ්ද රසයෙන්ද පෝෂණය වූ නිර්මාණයක් ලෙස අගය කල හැකිය.

ගීතය

සඳ හොරෙන් හොරෙන් හොරෙන් බලා

වලා රොදක සැඟවිලා

අපේ මියුරු පෙම් කතා

අසා සිටිනවා...

කඳුළු බිඳු ගලා සඳේ

තුරුලතා පුරා

සියොළඟම සැලී මගේ

නොහිම් සීතලේ

ඔබේ නෙත යදී

මහඳ වියරුවෙන්...

කියුඹු වැල් ලිහී ඔබේ

මාරුතේ සැලී

කොපුල් තල ගැටී මගේ

සිතුම් සසලවයි

නිවාලන්න මා

ඔබේ සිසිලසින්...

පදරචනය- කුලරත්න ආරියවංශ

ගායනය- පණ්ඩිත් අමරදේව

සංගීතය-පේ‍්‍රමසිරි කේමදාස

මම නුඹේ කුස...

නොබලා ඇස් කොනකින්වත්

නොසිතා සිත් කොනකින්වත්

මන්ද

පෑවේ ඔය

ආඩම්බරකම්...

හොඳහැටි දනී ඔබ

සිතේ රැුදවූ ආදරය

නුඹට මම...

එපා කෙනෙහිලි

බලන් හදවත

නොවේ පිට ඔපය

ආදරණීය පබාවතී

මම නුඹේ

කුස...

සුමේදා රත්නසිරි

මාධවියකගේ පණිවුඩය..

හැර ගියත් ඔබ

නැතේ වෛරය

සිතේ රඳවන්

ඔබේ රුව ඇති

කුඩා දුවණිය

මගේ හදවත

නිවාලයි නිති

ඇතිද මතකය

අපේ පේ‍්‍රමයේ

සිටිනමුත් ඔබ

ඔබේ පතිනිය

කන්නගී

ළඟ

රඳාගනු මැන

මතකයේ ඔබේ

මමත් රැුකි බව

මගේ පතිවත

ඔබේ නාමයෙන්

කෝවලන්...

සුමේදා රත්නසිරි

ශි‍්‍ර ලංකාවේ ගුවන්විදුලිය ආරම්භය සහ පෞද්ගලික නාලිකා ආරම්භය

ශි‍්‍ර ලංකාවේ ගුවන් විදුලිය ආරම්භ වූයේ බි‍්‍රතාන්‍ය යටත් විජිතයක්ව සිටි සමයේදී ය. එකල ලංකාවේ ගුවන් විදුලි මාධ්‍ය ඇති කිරීම සඳහා එවකට තැපැල් හා විදුලි සංදේශ අංශයේ ප‍්‍රධාන ඉංජිනේරුවරයා වූ බි‍්‍රතාන්‍ය ජාතික ”එඞ්වඞ් හාපර්” මහතාගේ මැදිහත් වීම හා ආධුනික ගුවන් විදුලි සංගමයේ ඉල්ලීම මත බි‍්‍රතාන්‍ය රජය කමිටුවක් මගින් කරුනු සොයා බලා ලංකාවේ ගුවන් විදුලි මාධ්‍ය ඇරඹීමට තීරණය කරන ලදිx ඒ අනුව 1924 වන විට ඒ පසුබිම මත ලංකාවේ ගුවන් විදුලි සේවයක් ස්ථාපිත විය. එහිදී කමිටුවේ තීරණය අනුව ගුවන් විදුලි මාධ්‍ය පාලනය මෙහෙය වීමට රාජ්‍ය අංශයට ලබාදීමට තීරණය කෙරිණි. මුල් කාලීනව ඉංගි‍්‍රසි මාධ්‍යයෙන් වැඩසටහන් බොහෝමයක් විකාශය වූ අතර ක‍්‍රමයෙන් සිංහල නිවේදකයන් බඳවා ගැනීම හා සියලූ වැඩසටහන් විකාශයද සිදු විය.

මෙසේ ගුවන් විදුලි සේවය වර්ධනය වෙමින් 1990 දශකය ආරම්භයත් සමඟ ගුවන් විදුලියට එෆ් එම් දශකයක් උදා විය. මෙරට විද්‍යුත් මාධ්‍ය ක්ෂේත‍්‍රයේ සිදුවූ ඉතා වැදගත්ම සිදුවීම වාර්තා වූයේ මෙම 90 දශකයේදීය. එනම් රාජ්‍ය ගුවන් විදුලි ඒකාධිකාරය බිද දමමින් පෙෘද්ගලික අංශය විද්‍යුත් මාධ්‍ය ක්ෂේත‍්‍ර‍්‍රයට එක් වීමයි. මෙලෙස පෙෘද්ගලික නාලිකා ආරම්භය කෙරෙහි සමාජීය, ආර්ථික, දේශපාලනික සාදක බලපැවැත්විය.

එනම් එවක පැවැති එක්සත් ජාතික පක්ෂ රජය පෞද්ගලික ගුවන් විදුලි සේවයක් ඇරඹීමට ”කලම්බු කොමියුනිකේෂන්” ආයතනයට අවසර දීමත් සමඟ 1991 වසරේදී ”එෆ් එම් 99” නමින් ශි‍්‍ර ලංකාවේ ප‍්‍රථම පෞද්ගලික නාලිකාව ආරම්භ කරන ලදී. ගුවන් විදුලි සංස්ථාවේ හිටපු සභාපති ලිවි විජේමාන්න මහාතා එහි හිමිකරු හා සභාපති විය. 1982 පෞද්ගලික ගුවන් විදුලි ආයතනයක් පවත්වා ගෙන යාමට බලපත‍්‍රයක් ලැබු ප‍්‍රථම ලාංකිකයා වීමෙ ගෞරවයද ඔහුට හිමි විය. මෙම කොලඹ හා නුවර ප‍්‍රදේශයට පමණක් සීමා වු සේවාවෙන් විවිධ සංස්කෘතිකාංග වැඩි වශයෙන් ප‍්‍රචාරය කෙරිණිග

නමුත් විශේෂයෙන්ම ප‍්‍රවෘත්ති ඉදිරිපත් කිරිමේ එ්කාධිකාරයක් රජය සතුව තබා ගනිමින් පෞද්ගලික නාලිකා වලට අවසර දෙනු ලැබිය. රාජ්‍ය මාධ්‍ය ඔස්සෙ සිදු වු සාම්ප‍්‍රදායික රාමුවෙන් පිටතට ගිය ගුවන් විදුලි විකාශනය පෞද්ගලික මාධ්‍ය ඔස්සේ ආරම්භ විය. 1993 දී මහාරාජා සංවිධානයට සිංහල හා ඉංගි‍්‍රසි ගුවන් විදුලි දෙකක් ආරම්භ කිරිමට අවසර හිමි විය. එහි ප‍්‍රතිඵලයක් ලෙස 1993 වසරේ දෙසැම්බර් 10 මහාරාජා ආයතනයේ, සිංගප්පුරු ටෙලිකොම් ආයතනයත් එකවර මෙරට ඉංගි‍්‍රසි අසන්නන් වෙනුවෙන් ”යර්ස් එෆ් එම්” ගුවන් විදුලි සේවය ආරම්භ කරන ලදී. මෙය ප‍්‍රබල එෆ් එම් තරංග මාලා ඔස්සේ විකාශය කිරිම නිසා දිවයින පුරා යහපත් ශ‍්‍රවන ජාලයක් ඇති කිරිමට සමත් විය. තරුණ පරපුර ගුවන් විදුලියට එක් රොක් කර ගැනිමට හැකි විම පෞද්ගලික ගුවන් විදුලි සේවයේ සාර්ථකත්වයට හේතු විය. සාම්ප‍්‍රදායික ගුවන් විදුලි රාමුවට ය. 'යර්ස් එෆ් එම්' පෞද්ගලික ගුවන් විදුලි සේවයේ ඇරඹිම සමඟ අභියෝගයක් එල්ල විය.

එසේම රාජ්‍ය ගුවන් විදුලි සේවය තුලදී නිවේදක නිවේදිකාවන්ට හිමි වු අවස්ථා වලට වැඩි අවස්ථා ප‍්‍රමාණයක් පෞද්ගලික ගුවන් විදුලි සේවා ආරම්භයේදී ලැබිණි. යොවුන් නිවේදක නිවේදිකාවන්ට ගුවන් විදුලි ක්ෂේත‍්‍රයට සම්බන්ධ විමේ අවස්ථා ලැබිණි. යර්ස් එෆ් එම් ඇරඹි මාස 04ට පසු ''සිරස එෆ් එම්'' නමින් මහාරාජා ආයතනයේ සිංහල ගුවන් විදුලිය අති සාර්ථක විය. ලංකාවේ නිවසේ සිට බස් රථය දක්වාම ගමන් කිරිමට සිරස ගුවන් විදුලි නාලිකාව සමත් විය. සාම්ප‍්‍රදායික රටාවෙන් බැහැරව විකාශනය ගෙන යාම මෙයට ප‍්‍රධාන හේතුව විය. විවිධ සංගීතමය වැඩසටහන් සදහා ප‍්‍රමුඛත්වය දෙමින් සිරස ගුවන් විදුලි සේවය ක‍්‍රියාත්මක විය. තවද සිරස ගුවන් විදුලිය අන්තර්ජාලය ඔස්සේ ද රස විදිමට ඉඩ ප‍්‍රස්ථා නිර්මාණය විය.

පෞද්ගලික ගුවන් විදුලි සේවාවන් ආරම්භ විම සදහා හේතු සාධක විමසිමෙ දී මෙතෙක් නිර්මාණය වු පෞද්ගලික ගුවන් විදුලි සේවාවන් නිසාත් රාජ්‍ය සේවයේ අපහසුකම් නිසාත් ගුවන් විදුලි ඒකාධිකාරයෙන් පවත්වා ගෙන ගිය ශි‍්‍ර ලංකා ගුවන් විදුලි සංස්ථාවෙ ආදායම් තත්වය දිගින් දිගටම දුර්වල විය. පෞද්ගලික නාලිකාවන්හි ව්‍යාපාර කටයුතු සදහා අලෙවි ප‍්‍රවර්ධකයන් යොදා ගෙන කටයුතු කිරිම නිසා ඔවුන්ගෙ ආදායම් තත්වය වර්ධනය කර ගැනිමට හැකි විය. දිනෙන් දින පෞද්ගලික ගුවන් විදුලි සේවාවන් වැඩි විය.

1998 අග භාගයේ දී පෞද්ගලික ගුවන් විදුලි සේවයන් ආරම්භ කිරිම සදහා ආසියානු ගුවන් විදුලි සංගමයට අවසර ලබා දෙන ලදී. ඒ අනුව 1999 මුල් භාගයේ දී ඒ. බි. සි. නමින් මෙම ගුවන් විදුලි සේවය ඇරඹිය. මෙය එතෙක් පැවති ගුවන් විදුලි සේවයන්ට වඩා වෙනස් අයුරකින් ගුවන් විදුලි සේවා 5ක් විවිධ වයස් කාණ්ඩ වෙනුවෙන් වෙන් වෙන් වශයෙන් විකාශය ගෙන යන ලදී.

දෙමල ඉංග‍්‍රිසි වශයෙන් වෙන වෙනම සේවා තුනක් ආරම්භ කරමින් කොල්ලුපිටියේ පිහිටි ලිබර්ටි ප්ලාසා ගොඩනැගිල්ල වෙත ගෙන යන ලදී. එහිදී සිංහල සේවාව ”සවන” නමිනුත් ගුවන් සේවාව එෆ් එම් 99 සේවයන් ඉංග‍්‍රිසි සේවයන් නැපිටල් රේඩියෝ නමිනුත් ගුවන් විදුලි සේවා තුනක හදුන්වා දෙන ලදී.
මෙම පෞද්ගලික ගුවන් විදුලි සේවා වඩාත් ලාභ ලබන ආයතන බවට පත් විම හේතුවෙන් තවත් පෞද්ගලික ආයතන කිහිපයක්ම හා නව ගුවන් විදුලි සේවා ඇරඹිමේ බලපත‍්‍ර රජයෙන් ඉල්ලා සිටින ලදී. ඒ අනුව ”ටි.එන්එ.ල්” නමින් ඉංග‍්‍රිසි ගුවන් විදුලිය ආරම්භ කිරිමට සීමා සහිත ටෙලිෂාන් ආයතනයට අවසර හිමි විය.
දිගින් දිගටම රජයේ ගුවන් විදුලි ශ‍්‍රාවකයන් ඈත් වීම නිසා 1994 බලයට ආ රජය නව ගුවන් විදුලියක් ආරම්භ කිරිමට ගත් තිරණයකට අනුව 1996.11.15 දින ගුවන් විදුලි සංස්ථාෙවිම ” ලක්හඬ” නමින් නව ගුවන් විදුලි සේවයක් අරඹන ලදී. මෙම සේවය සදහා යොවුන් නිවේදක නිවේදිකාවන් විශාල පිරිසක් බදවා ගනිමින් එතෙක් පැවති පෞද්ගලික ගුවන් විදුලි සේවාවන්ට වෙනස්ම වැඩසටහන් විකාශයට අවධානය යොමු කෙරිණි.
 
දැඩි විවෙචනයට භාජනය වු ලක්හඬ ගුවන් විදුලිය රජයේ තවත් හොරණෑවක් ලෙස හදුන්වන ලදී. ආරම්භයේදී ශ‍්‍රි ලංකා ගුවන් විදුලි සේවකයන්ගේ දැඩි විරෝධය එල්ල විය. එය සමථයකට පත් වුයේ ලක්හඬ පාලනය ස්වාධින රූපවාහින්යට පැවරිමත් සමග ය. නැවත වරක් 1998 දී සි/ස ආයතනය ටි.එන්එ.ල් නමින් සිංහල ගුවන් විදුලි සේවයක් ආරමිභ කරන ලදී. ඒ වන විට  ශ‍්‍රාවකයන්ට සිරස, සවන, ලක්හඬ, ශ‍්‍රි ලංකා ගුවන් විදුලිය යන ගුවන් විදුලි සේවයන් හතරට පිරිස් යොමු වී සිටි නිසා ටි.එන්එ.ල් සදහා පිරිස අඩු විය. ලාභ ලැබිම අඩු විය. මෙම තත්වය යටතේ තනි ගුවන් විදුලි සේවයන්ට හිරවී සිටි ශ‍්‍රාවකයන්ට තමන්ට රිසි සේ වැඩසටහන් තෝරා ගෙන රස විදිමට පරිසරයක් ගොඩ නැගිනි. 1998 වසර මැද දී ටි.එන්එ.ල් ගුවන් විදුලිය තම වැඩසටහන් ආකෘතිය වෙනස් කරන ලදී.

• හිරු ගුවන් විදුලි සේවය - සිංහල තරුණ අසන්නන්ට
• සන් ගුවන් විදුලි සේවය - ඉංග‍්‍රිසි තරුණ අසන්නන්ට
• තරු ගුවන් විදුලි සේවය - වැඩිමහල් සිංහල අසන්නන්ට
• ගෝල්ඞ් ගුවන් විදුලි සේවය - වැඩිමහල් ඉංග‍්‍රිසි අසන්නන්ට
• සුර්යය ගුවන් විදුලි සේවය - දාවිඩ අසන්නන්ට  

ලංකාවෙ වැනි ගුවන් විදුලි ශ‍්‍රාවකයන් පිරිසක් සිටින රටක මේ ආකාරයට කාණ්ඩ වශයෙන් සේවා ප‍්‍රචලිත වීම අඩු විය. ඒ නිසා වැඩිමහල් සිංහල අසන්නන් වෙනුවෙන් වු තරු ගුවන් විදුලි සේවය ලාභ අපේක්ෂාවෙන් එහි ව්‍යුහය සම්පුර්ණයෙන් ම වෙනස් කොට පැය 24 පුරාම ක‍්‍රියාත්මක වන සංගීතමය ගුවන් විදුලියක් බවට පත් වු අතර හය ''ෂා'' එෆ් එම් ය. ඒ. බි. සි. ගුවන් විදුලි සේවය පලපුරුදු නිවේදකයන් හා වැඩසටහන් සැලසුම්කරුවන් වැටුප් දී සේවයට බදවා ගැනිම මත අනෙකුත් ගුවන් විදුලි සේවා තුළ අභ්‍යන්තර ගැටුම් ද ඇති විය.
කෙසේ වෙතත් වර්තමානය වන විට ශ‍්‍රි ලංකා ගුවන් විදුලියට අමතරව ජනප‍්‍රිය වු මෙම පෞද්ගලික නාලිකා බොහෝමයක් මෙරට ගුවන් ජාලය වෙන් කර ගෙන ඇත.

බලාපොරොත්තුවක්..

මහ පොළොව මත
තනිවුණු
ජීවමාන වෘක්ෂයක්
ඉරිතලා ගොස් වියළී
ගිම්හානයේ
සරදමට හසුව
නමුත්
බලාපොරොත්තු
පොදි බැදන්
හැකි සෑම කාලයක්
බලා සිටින්නේය
පැමිණෙන තුරු
වස්සානය...